Enver Bajraktari, i cili u gjet i pajetë dhe i varrosur në një arë vetëm disa metra larg shtëpisë së tij, sot i jepet lamtumira e fundit në varrezat e fshatit Baicë, shkruan IndeksOnline.
Trupi i tij i groposur u gjetë në një gropë të hapur në mes të një are me kallamoq, në fshatin Baincë të Lipjanit.
Zbulimi tronditi opinionin publik, ndërsa rasti vazhdon të mbetet i mbuluar me mister. Dyshohet se viktima ishte groposur fshehurazi menjëherë pas zhdukjes, çka kishte alarmuar familjen dhe gjithë opinionin, shkruan IndeksOnline.
Familja Bajraktari tashmë ka hapur të pamet ditën e djeshme, dhe pret ngushëllime nga të afërmit.
IndeksOnline ishte në vendin e ngjarjes, ku policia ka zhvilluar hetimet paraprake. Deri tani, katër persona janë intervistuar në lidhje me rastin, por ende nuk ka asnjë të arrestuar apo të dyshuar zyrtar.
