Shtyhet për një orë seanca ndaj Ramadan Morinës, mungojnë dy gjyqtarë

Seanca gjyqësore ndaj Ramadan Morinës, i dyshuar për krime lufte kundër popullatës civile gjatë vitit 1999 në Kosovë, është shtyrë për një orë.

Shkak i shtyrjes është mungesa e dy gjyqtarëve, raporton lajmi.net

Sipas aktakuzës së Prokurorisë Speciale, të ngritur më 17 dhjetor 2025, Morina akuzohet se gjatë viteve 1998-1999, në bashkëkryerje me pjesëtarë të forcave policore dhe ushtarake serbe, ka marrë pjesë në vrasje, dëbime, keqtrajtime dhe plaçkitje të popullsisë civile shqiptare në fshatin Burim të Malishevës.

Në pikën e parë të aktakuzës, ai ngarkohet për vrasjen e 34 civilëve shqiptarë më 31 mars 1999, në vendin e quajtur “Vrella e Mihillit”.