Policia në Skenderaj ka realizuar një bastisje në Skenderaj mbrëmë, ku janë janë gjetur 120 aparate të lidhura me pajisje elektrike dhe internet që dyshohen se përdoreshin për prodhimin e kriptovalutave.
Në njoftimin e policisë thuhet se për pajisjet e gjetura dhe veprimtarinë e dyshuar hetuesit policor kanë identifikuar një person.
“Lidhur me veprimet e ndërmarra dhe pajisjet e gjetura është njoftuar prokurori i çështjes, i cili ka sugjeruar që për veprime të mëtejme hetimore lidhur me rastin dhe pajisjet e gjetura të merren autoritetet doganore”, thuhet në njoftim, transmeton Klankosova.tv.
