Në kuadër të shënimit të 9-vjetorit të pavarësisë së Kosovës, Nënkryetari i Komunës së Skenderajt Fadil Nura sot ka takuar tre voglushët e Skenderajt të lindur me 17 shkurt të vitit 2008. Pavarësia, Pavarësimi dhe Fatlumi kanë qenë mysafirë special te Nënkryetari Nura, transmeton Drenica Press.
Në pritjen e organizuar më këtë rast Nura i ka uruar të tre fëmijët me rastin e ditëlindjes së tyre dhe të shtetit të Kosovës, duke shprehur bindjen e tij se ata dhe bashkëmoshatarët e tyre janë e ardhmja e vendit tonë.
Pavarësia, Pavarësimi dhe Fatlumi u shprehën shumë të gëzuar për pritjen që u është bërë sot nga nënkryetari Nura, duke përmendura edhe emocionet e tyre që ndjenë sa herë që festohet Dita e Pavarësië së Kosvës, që njëkohësisht është edhe ditëlindja e tyre. Fëmijët e pavarësisë më këtë rast kanë recituar edhe vjersha të përgatitura enkas për këtë ditë.
Prindërit e fëmijëvë Seferi, Faruku dhe Muja u shprehen shumë të kënaqur për organizimin dhe pritjen duke falenderuar përzemërsisht z. Nura për inicjativën dhe idenë e organizimit të këtij takim me fëmijët e tyre.
Në fund të takimit Nënkryetari Nura të tre fëmijëve u dhuroi dhurata me simbole të Repubkilës së Kosovës.
Pavarësi Spahiu, Pavarësim Xhinovci dhe Fatlum Musliu janë fëmijë të Skenderajt që janë lindur pikërisht më 17 shkurt të vitit 2008, në ditën e shpalljes së pavarësisë së Kosovës.
