Shoqata Humanitare “Jetimat e Ballkanit” me në krye Halil Kastratin po vazhdon aktivitetin e madh humanitar.
Sot hoxhë Halili ishte në Baks të Skenderajt ku së bashku me kryetarin e Skenderajt, Bekim Jashari, ia dhuruan çelësat e shtëpisë së re familjes Bajrami nga Baksi.
Lidhur me këtë rast, kryetari Jashari ka shkruar edhe në profilin e tij Facebook:
Dita e sotme, ditë e lajmeve të mira!
Edhe një familje tjetër u bë me shtëpi të re, pas asaj në Baks! Ishim me hoxhën z.Halil Kastrati dhe stafin e Shoqatës “Jetimat e Ballkanit” te Feriz Beka nga fshati Likoc, të cilit iu dhuruan çelësat e shtëpisë së re, fal kontributit të bashkatdhetarëve tanë, nëpërmjet shoqatës në fjalë.
Duke e përgëzuar kryefamiljarin për shtëpinë e re, uroj të ketë vazhdimësi të veprave të mira nga njerëzit vullnetmirë, për të ndihmuar në zbutjen të gjendjes të familjeve që kanë kushte të vështira ekonomike e sociale.
Me fat Kurban Bajrami!
