Pak kohë pasi u publikuan pamje ekskluzive të keqtrajtimit të një 18 vjeçari nga zyrtari policor Haris Kelmendi në Prishtinë, është publikuar dhe një video tjetër, për të denoncuar veprimet e kundërligjshme të disa zyrtarëve policorë, të cilat dyshohet se kanë ndodhur më 25 janar 2021.
Video shpërfaq dhunën e ushtruar nga ata që duhet të jenë shembull i respektimit të ligjit dhe gardianë të mbrojtjes së të drejtave të njeriut.
Burimet e Gazetës Sinjali bëjnë me dije se viktimat e këtij keqtrajtimi ishin dy qytetarë, A.A. dhe L.R. (emra të njohur për redaksinë). Sipas të njëjtave burime njëri nga të dyshuarit është familjar i një eprorit të lartë të Policisë së Kosovës.
Më poshtë mund t’i shihni pamjet e keqtrajtimit nga zyrtarët policorë.
- Advertisement -
