Kryeministri në detyrë, Albin Kurti i ka dal plotësisht në mbrojtje ministres Rozeta Hajdari në lidhje me skandalin për rezervat shtetërore, ku ajo është e akuzuar.
Kurti në intervistën në Kanal 10, ka sulmuar Prokurorinë që ka ngritur akuzë ndaj ministres Hajdari, transmeton lajmi.net.
Nuk mjaftoi kjo. Kurti tha se Hajdari do të jetë bashkëpunuese me drejtësinë në këtë rast, por dje ajo nuk u paraqit fare në seancën fillestare.
“Çdo gjë që ka thënë ministrja ime, Rozeta Hajdari në konferencën pas ngritjes së aktakuzës është e vërtetë dhe e saktë. Unë nuk mund t’i dyfishoj ministrat e mi, për atë janë minstra që unë të mos jem aty. Normalisht e marrë përgjigjësinë e plotë si kryeministër i Kosovës. Unë besoj që Prokuroria me atë rast ka bërë shkelje, e jo ministrja Rozeta Hajdari. Por, do të sqarohet përgjatë procesit, në të cilën ministrja Hajdari është bashkëpunuese.”, tha Kurti.
Kur u pyet se nëse Hajdari gjendet fajtore, Kurti tha se “nuk ka koment”. Kurse, në pyetjen se a i beson 100 për qind ministres, ai tha “pa dyshim”./lajmi.net/
