Shtyhet seanca ndaj Miljojko Djorgjeviqit, serbit të akuzuar për krime lufte në Zveçan, kjo është arsyeja

Seanca gjyqësore ndaj Miljojko Djorgjeviqit, i akuzuar për krime lufte në Zveçan, është shtyrë pasi mbrojtja nuk ishte pajisur me shkresat e lëndës.

Pavarësisht përpjekjeve të Prokurorisë Speciale dhe të gjykatës për t’ia dërguar dokumentet përmes adresës elektronike, mbrojtja nuk i kishte pranuar ato.

Duke marrë parasysh këto rrethana, gjykata ka nxjerrë aktvendim për shtyrjen e seancës, duke aprovuar kërkesën e avokatit të të akuzuarit./IndeksOnline/