Shqiptarët, të dytët në botë për braktisjen e vendit (Video)
Sot bota numëron 244 milionë emigrant. Një studim i fundit i kryer nga “Peë Research Center” me të dhënat e vitit 2015 tregon se sot, 9 vende kanë humbur më shumë se 1/5 e popullsisë së tyre. Një e treta e atyre që kanë lindur në Bosnje – Hercegovinë jetojnë tani jashtë vendit. Ndërkohë që 28 % e shqiptarve e kanë braktisur gjithashtu vendin. Shqipëria zë kështu vendin e dytë në botë, me më shumë se 1.1 milionë shiptarë që jetojnë jashtë.
Në Armeni ¼ e popullsisë jeton jashtë territorit, sipas të dhënave të vitit 2015. Në listë janë Kazakistani, Trinidad Tobako, Maqedonia e Portugalia.
Në disa raste arsyeja e emigrimit janë konfliktet e armatosur dhe rreziku i jetës. Shumica e bosnjakëve u larguan gjatë luftës. 30 % e 1.65 milionë banorëve, e braktisën vendin.
Në Siri, 22 % e popullsisë e ka lënë vendin që nga shpërthimi i luftës civile.
Vendet e tjera janë braktisur për të gjetur mundësi më të mira ekonomike. Këtu bën pjesë edhe Shqipëria ku varfëria është në nivelin 46 %.
Lexo edheRamës iu ndërpre fjala kur po shante mediat
Sipas raportit, emigracioni ka efekte demografike thelbësore tek kombet. Për shembull, nga Shqipëria janë larguar shumë të rinj. Ndërsa nga Trinidad Tobako më shumë grupe të arsimuarish.
Largimi i të rinjve ndikon në mplakjen e popullsisë dhe lënë boshllëqe të rëndësishme në aftësitë e vendeve të origjinës së emigracionit. /Lapsi.al
