Shqipëria mbrëmjen e sotme nuk humbi vetëm përballë Norvegjisë vetëm ndeshjen miqësore, me një rezultat të ngushtë.
Por sonte Kombëtarja e Shqipërisë ka humbur diçka më të madhe: Tifozët e saj, por sidomos ata tifozët e Kosovës. Kanë qenë shumë të paktë tifozët mbrëmjen e sotme në stadiumin ‘Elbasan Arena’. Ata tifozë që ishin të pranishëm, kishin ardhur nga Tirana e rrethinat e Elbasanit.
Por çfarë ra në sy? Mungonin të gjithë tifozeritë e Kosovës. Kanë qenë më të flaktët në ndjekjen e kombëtares, por sonte munguan në ‘Elbasan Arena’ për të dhënë mbështetjen e tyre.
Një prej shkaqeve të mungesës së tyre është edhe taksa e re që është vënë për Rrugën e Kombit. Bëhet fjalë për një pagesë të konsiderueshme për të kaluar nëpër tunelin e Kalimashit e për të ardhur në Tiranë, apo në çdo qytet të Shqipërisë.
E duket se ky është vetëm fillimi. Pas bizneseve të Kosovës, sot edhe tifozët e zjarrtë nga Kosova vendosën të mos vijnë për të mbështetur lojtarët e tyre të dashur.
