Agjencia Evropiane Pressphoto (EPA) ka publikuar një fotografi të drejtorit të zyrës serbe për Kosovën, Marko Gjuriq, i cili gjersa ndodhej i arrestuar brenda blindës policore, kishte gjetur hapësirë për të nxjerr jashtë dorën duke bërë një simbol me duar.
Gjuriq u arrestua në Mitrovicën Veriore nga Policia e Kosovës gjersa ndodhej në një tubim në objektin e gjykatës.
Ai ishte paralajmëruar se do të arrestohej nëse do të hynte ilegalisht në Kosovë.
Policia e Kosovës ishte mobilizuar që nga mëngjesi që të parandalonte vizitën e Gjuriq brenda Kosovës, megjithatë ai kishte gjetur rrugë alternative për të hyrë brenda territorit të Kosovës.
Pas arrestimit Gjuriq u sjell në stacionin qendror të Policisë në Prishtinë, më pas u dërgua drejt Merdares, ku u deportua dhe iu dorëzua Policisë së Serbisë.
