Gara për vendin e parë në zgjedhjet e 9 shkurtit është e hapur!
Ky është konkluzioni që nxori njohësi i çështjeve politike, Shenoll Muharremi, sipas të cilit VV del e para, por rritja e ndjeshme qëndron te subjketet tjera politike, transmeton Klankosova.tv.
Sipas Muharremit, Vetëvendosje do të fitojë 35.87 për qind, pasuar nga Partia Demokratike e Kosovës me 22.52 për qind. Këta të fundit paraqiten me një epërsi të ngushtë nga Lidhja Demokratike e Kosovës, që sipas analistit, do të fitojë 21.65 për qind.
Rreth 10% të votave, Muharremi thotë se do t’i marrë Aleanca për Ardhmërinë e Kosovës, pak a shumë sa të gjitha të tjerat.
“Ky nuk është një sondazh dhe as një matje e opinionit publik. Ky është një vlerësim i potencialit të partive, i bazuar në të dhëna të plota dhe një analizë të gjerë të faktorëve sasiorë dhe cilësorë, përfshirë performancën afatgjate të secilës nga partitë kryesore”, shkori Shenoll Muharremi në rrjetin social facebook, duke e paraqitur projeksionini e tij edhe me anë të grafikës.
Më tej, ky njohës i çështjeve politike, shkroi se LDK pritet të ketë rritje prej 70 për qind, krahasuar me zgjedhet e vitit 2021, kurse PDK-ja rreth 35 për qind më shumë.
“LVV është në një proces tkurrjeje apo korreksioni të natyrshëm nga rezultati i jashtëzakonshëm i vitit 2021. PDK dhe LDK janë në rritje, duke rikuperuar humbjet dramatike të zgjedhjeve të kaluara”, shkroi Muharremi.
