SHBA –ja dhe Koreja e Jugut bombarduan kufirin me Korenë e Veriut, duke dhënë kështu një paralajmërim të qartë për Korenë e Veriut pas një nisjes së një rakete që kaloi mbi Japoni.
Megjithatë, shteti komunist hodhi poshtë stërvitjen e përbashkët dhe tha se ajo nuk do t’i pengonte të vazhdonin programin e tyre bërthamor.
“Veprat e egra ushtarake të armiqve nuk janë gjë tjetër veçse veprimi i nxituar i atyre që janë kapur në vështirësi “, tha Agjencia koreano-veriore Lajmeve, e cila vepron si zëdhënëse zyrtare e diktatorit Kim Jong-Un.
Dy bombardues supersonik amerikanë dhe katër avionë luftarakë F-35B u bashkuan me katër avionë luftëtarë të Koresë së Jugut në stërvitjet e fuqishme në një fushë ushtarake mes dy koreve.
Bombarduesit fluturuan nga baza ajrore në Guam, ndërsa ‘F-35B” erdhën nga një bazë amerikane në Japonisë.
Agjenci lajmesh në Korenë e Jugut raportojnë se në Veri ushtarëve u është dhënë urdhri që të shtojnë racionet ushqimore, në mënyrë që të kenë fuqi për luftë.
Ndërkohë, Peniani kundërshtoi rezolutën e Kombeve të Bashkuara që dënonte lëshimin e fundit të raketës mbi Japoninë.
Sipas një agjencie lajmesh të quajtur “Daily North Korea”, ushtarëve koreano-veriorë u është thënë që të bëhen gati dhe të marrin ushqime
“Gjeneralët po udhëzojnë ushtarët për të ngrënë misër në ara sepse lufta po afron”, shkruan agjencia
Ata u kanë kërkuar ushtarëve të tyre që të mirë ushqehen, sepse në të kundërt nuk do të kenë rezistencë. Ndërsa shefave të ushtrisë u është thënë që të bëjnë një sy qorr teksa ushtarët po vjedhin misër nga arat.
Megjithatë, mediat ndërkombëtare shkruajnë se nuk dihet se sa i vërtetë është ky informacion. Ushtria e Koresë së Veriut ka rreth 6.5 milionë personel të disponueshëm, por me ushtarë të kequshqyer dhe armë e automjete të vjetruara/SYRI.net/
