“Se ka pasur të drejtë UÇK-ja në çfarëdo veprimi, kjo çështje dihet. Për të përdorur një shprehje popullore edhe zogjtë në mal e dinë“, ka thënë nënkryetari i Partisë Demokratike të Kosovës, Uran Ismaili, duke folur për pozicionimin e UÇK-së gjatë aktivitetit të saj.
“Sa i përket protagonizimit tek UÇK-ja, unë them falë Zotit që ka pasur, sepse ndoshta nuk do të kishim ardhur deri këtu”.
Këtë deklaratë ai e ka dhënë në Zona B, në Klan Kosova, ku ka folur edhe për pozicionimin e PDK-së dhe qëndrimin e saj të gjatë në pushtet.
“Sa i përket PDK-së, qëndrimi i gjatë në pushtet nuk do të thotë asgjë. Ne në pushtet kemi qëndruar me metoda demokratike. Dhe ne e kemi bërë kryeministër kryetarin e LDK-së, të cilin as disa deputetë të tij nuk e kanë votuar”.
