Sot dega e PDK në Skenderaj ka mbajtur mbledhjen e radhës, shkruan Drenicapress.info.
Sipas kryetarit të kësaj dege, Sami Lushtakut, PDK-ja në Skenderaj hyn në procesin e brendshëm zgjedhor e unifikuar.
Ai u ka kërkuar bashkëpartikëve që të angazhohen për një process zgjedhor të barabartë për të gjithë.
Lexojeni të plotë njoftimin e Sami Lushtaku, kryetar i PDK-së në Skenderaj:
PDK në Skenderaj hyn në zgjedhje të brendshme e unifikuar
Në cilësinë e Kryetarit të degës së PDK-së në Skenderaj, sot kam takuar kryetarët e nëndegëve dhe seksioneve të partisë dhe strukturat e RDK-së me qëllim të mobilizimit të të gjitha strukturave të degës për zgjedhje në RDK.
Në takim kam kërkuar angazhim nga të gjithë në organizimin e zgjedhjeve në 57 nëndegë të RDK-së. Poashtu, kam kërkuar që uniteti i plotë i degës së PDK-së të vazhdojë gjatë zgjedhjeve të brendshme dhe strukturat e partisë të punojnë në terren për të ndihmuar procesin zgjedhor duke iu dhënë mundësi të gjithë të rinjve nga 16 deri në 25 vjeç që të jenë pjesë e procesit zgjedhor në RDK.
Kam siguruar se PDK në Skenderaj do të jetë e hapur për të gjithë duke krijuar mundësi te barabarta për secilin.
Në takim Komisioni për Organizimin e Zgjedhjeve ka prezentuar orarin e kuvendeve të nëndegëve të RDK-së që do të fillojnë të mbahen nga dita e mërkurë më 11 prill 2018.
Në emër të Degës së PDK-së në Skenderaj i ftoj të gjithë qytetarët e Skenderajt që të marrin pjesë në procesin zgjedhor brenda PDK-së, duke siguruar të gjithë se vlerat dhe kontributi i secilit është shumë i rëndësishëm.
