Ish kryetari i Komunës së Skenderajt, Sami Lushtaku i ftuar në T7 për Ditën e Çlirimit të Skenderajt, rrëfeu ditën kur u çlirua Skenderaj.
Lushtaku që në atë kohë mbante postin e Komandantit të Zonës së Drenicës, tha gjatë intervistës se gjatë asaj dite kishte zhvilluar takime me forcat e KFOR-it dhe kishte takuar shumë persona që kishin humbur familjarët e tyre.
“Unë kam qenë në takime me KFOR-in në “Ditën e Çlirimit të Skenderajt”, ka qenë një ditë vërtetë e rëndë për ne, sepse kthimi në shtëpi të shkatërruara, ku takonim njerëz që kishin humbur familjarët e tyre ishte ndjenjë e rëndë.
Gjatë asaj dite në takim me KFOR-in morëm përsipër të ruajmë spitalet, fabrikat e disa pika tjera si trup e Ushtrisë Çlirimtare të Kosovës.” përfundoj Lushtaku.
