Kandidati për deputet i VV-së, Taulant Kelmendi, ka reaguar pasi i ka humbur plotë 955 vota vetëm në Pejë, gjatë rinumërimit të votave në këtë Komunë.
Ai ka thënë se zhvillimet gjatë procesit të rinumërimit të votave në Pejë, i ka përcjellur me shumë shqetësim, për shkak se ka thënë se i janë shtuar vota në disa kuti gjatë numërimit fillestar.
“Nuk e di nga kush dhe nuk kam kërkuar nga askush. Prandaj është e papranueshme! Ndërhyrja në vullnetin e qytetarëve është veper penale edhe nëse dëshira e dikujt ka qenë për të më ndihmuar. Në Komunën e Pejës, votat janë numëruar të fundit dhe ishte e qartë se mbështetja ishte e mjaftueshme për ta fituar mandatin”, ka shkruar Kelmendi.
Ai ka thënë se kanë kërkuar vazhdimisht nga komisionerët dhe vëzhguesit që vota të mbrohet dhe të mos tjetërsohet në këtë rrethanë, për çka ka thënë se çdo ndërhyrje e tillë bie ndesh me parimet e tyre dhe është distancuar nga çdo veprim në kundërshtim me to.
“Inkurajojmë institucionet përgjegjëse të hetojnë përgjegjësit, arsyet dhe qëllimet, në mënyrë që raste të tilla të mos përsëriten, gishtat mos të na drejtohen as për krahasim me të tjerët, dhe të mos mbetet asnjë dilemë në besimin e qytetarëve”, ka shkruar Kelmendi në një postim në Facebook. /Lajmi.net/
Postimi i plotë:
