Rrëshqet dheu në autostradën ‘Ibrahim Rugova’, udhëtarët në rrezik (Foto/Video)

Në autostradën “Ibrahim Rugova”, përkatësisht tek pjesa  e rrugës që lidh Fushë-Kosovën me Besinë, është shembur dheu, me ç’ rast rruga është ngushtuar rruga duke paraqitur rrezik të madh për kalimtarët.

Në fotografitë e bëra nga gazetarët e “Zërit”, shihet dheu i cili ka zënë gati pjesën më të madhe të rrugës. Ky dhe i shembur po paraqet një rrezik të madh udhëtarët që frekuentojnë këtë pjesë të autostradës.

Megjithëse rruga është ndarë me kona, në vendin e ngjarjes nuk shihet asnjë makinë apo njësi emergjente e cila merret me heqjen e dheut nga autostrada.