Shkencëtarët thonë se rrahjet e zemrës tuaj mund të zëvendësojnë një fjalëkalim kur përpiqeni të keni akses në të dhënat tuaja elektronike. Duke përdorur modelin elektrik të zemrës si një çelës enkriptimi, hulumtuesit nga Universiteti Binghamton në New York kanë gjetur një mënyrë për të mbrojtur të dhënat personale shëndetësore elektronike duke përdorur rrahjet e zemrës unike të pacientëve.
Sipas studimit, shkencëtarët përdorin ECG të pacientit si çelësat për të zhbllokuar dhe të bllokuar dosjet e tyre, raporton TechSot.Al.
Studimi i udhëhequr nga Zhanpeng Jin, asistent profesor në Departamentin e Inxhinierisë Elektrike dhe Kompjuterike në Shkollën e Inxhinierisë dhe Shkencave të Aplikuara J. Watson në Universitetin Binghamton. Jin kryesisht punon në biometrikën njohëse,çështjet e informatikës për shëndetin ‘smart’, sistemet neuromorfike, inxhinierisë nervor, Jin thotë;
“Kostoja dhe kompleksiteti i zgjidhjeve tradicionale të enkriptimit parandalojnë ato duke u aplikuar direkt në telemjekësi ose kujdesit shëndetësor celular. Këto sisteme janë gradualisht duke zëvendësuar klinikat që kanë në qendër kujdesin shëndetësor, dhe ne kërkonim të gjenim një zgjidhje unike për të mbrojtur të dhëna të ndjeshme të shëndetit personal me diçka të thjeshtë, në dispozicion dhe me kosto efektive.“ /TechSot.Al
