Ronaldo i komenton Kvara-s dhe i jep mbështetje: E di këtë ndjenjë, por vazhdo përpara!

Cristiano Ronaldo i ka dërguar një mesazh mbështetjeje futbollistit të PSG-së, Khvicha Kvaratskhelia, i cili u lëndua gjatë ndeshjes së mbrëmshme ndaj Barcelonës në UEFA Champions League.

Sulmuesi gjeorgjian ka pësuar një lëndim të rëndë në gjurin e djathtë dhe, me shumë gjasë, do ta humbasë pjesën e mbetur të sezonit aktual, shkruan Indeksonline

Cristiano Ronaldo i ka komentuar yllit të PSG-së në rrjetet sociale, duke i dhënë mbështetje në këtë moment të vështirë.

“Luftërat më të vështira në futboll janë shpesh ato që askush nuk i sheh.

E di si ndihet kjo, Kvara. Por mos harro kurrë atë që të ka sjellë deri këtu dhe mos lejo që një moment i vështirë të të bëjë të dyshosh se sa larg mund të arrish.

Vazhdo ta mbash gjallë atë zjarr brenda vetes. Më e mira nga ti ende nuk ka ardhur!”