Ylli portugez Cristiano Ronaldo, kapiten i Al-Nassr, vazhdon të shkëlqejë në Saudi Pro League, duke konfirmuar statusin e tij si një nga lojtarët më dominues të kampionatit, pavarësisht moshës.
Goli i tij më i fundit erdhi në ndeshjen e javës së 28-të ndaj Al-Akhdoud, duke theksuar edhe një herë ndikimin vendimtar që ka në fushë dhe duke tërhequr vëmendjen e madhe mediatike sa herë që zbret në lojë.
Sulmuesi veteran hapi rezultatin që në minutën e 15-të, duke finalizuar saktë në këndin e poshtëm të majtë pas një pasimi perfekt që e nxori të vetëm përballë portierit.
بوشل يصنع 🅰️
رونالدو يسجل ⚽️قصة هدف النصر الأول 🟡#الأخدود_النصر | #دوري_روشن_السعودي pic.twitter.com/HF9fwV3YxU
— رياضة ثمانية (@thmanyahsports) April 11, 2026
Me këtë gol, Ronaldo arriti në 98 gola në 101 paraqitje në kampionat, vetëm dy gola larg rekordit historik të Abderrazak Hamdallah. Një dopietë në ndeshjen e radhës do ta bënte atë lojtarin më të shpejtë që arrin kuotën e 100 golave, duke barazuar arritjen e ish-yllit të Al-Ittihad.
Ky realizim e çoi gjithashtu në 24 gola këtë sezon, duke e renditur të tretin në listën e golashënuesve të ligës, pas meksikanit Julián Quiñones (26 gola) dhe anglezit Ivan Toney (27 gola). /GazetaExpress/
