Robinho bëhet trajner i futbollit në burg
Ish-futbollisti brazilian, Robinho është duke e vuajtur dënimin prej 9 vjetësh burg në São Paulo shkaku i përdhunimit të një shqiptareje në kohën sa luante në Itali.
Sulmuesi i rrezikshëm dikur, për të humbur kohë në burg, i është kthyer pasionit të tij – futbollit.
Sipas “CNN Brasil”, ish-futbollisti i Real Madridit, Manchester Cityt dhe Milanit e ka marrë rolin e trajnerit të futbollit brenda burgut, përcjell.
Ai aktualisht po e menaxhon një ekip në turneun e brendshëm që organizohet në burg.
Fama e tij është rritur edhe në mesin e të burgosurve, ndërsa kohë pas kohe pranon vizita nga njerëzit që duan ta takojnë dhe që kërkojnë fotografi dhe autografe nga ai.
Lexo edheLiverpooli zbulon listën për ndeshjet e UEFA Champions League, një yll lihet jashtë
Kur ta vuajë krejt dënimin për përdhunim, Robinho do të jetë rreth 50 vjeç.
Së fundmi, gjykata në Brazil e hodhi poshtë kërkesën e palës mbrojtëse të Robinhos për uljen e dënimit të yllit të dikurshëm të futbollit brazilian.
