“Rinia është e ardhmja”, Bebe Rexha reagon për protestat në Shqipëri

Këngëtarja shqiptare me famë botërore, Bebe Rexha, ka përcjellë një mesazh mbështetjeje për të rinjtë, në kohën kur Shqipëria po përballet me protesta të vazhdueshme kundër qeverisë.

Përmes një reagimi në rrjetet sociale, artistja ka shkruar: “Rinia është e ardhmja!”, duke vënë në pah rëndësinë e brezit të ri dhe të së ardhmes së tij.

Reagimi vjen në një periudhë të tensionuar në Tiranë, ku protestat e nisura nga studentët janë shoqëruar me përplasje mes demonstruesve dhe policisë. Në ditët e fundit, edhe gjimnazistë i janë bashkuar lëvizjes, e cila ka zgjeruar kërkesat përtej çështjeve të arsimit.