Gjykata Speciale ka ngritur aktakuzë ndaj presidentit Hashim Thaçi dhe kryetarit të PDK-së, Kadri Veselit, me akuzën për krim kundër njerëzimit.
Kryetari i OVL-së së UÇK-së, Hysni Gucati për GazetaBlic ka komentuar këtë aktakuzë.
Ai e ka parë të befasishme aktakuzën ndaj presidentit, me arsyen se ai nuk është ftuar asnjëherë nga Gjykata Speciale.
Gucati shton se kjo aktakuzë pikërisht në këtë kohë, disa ditë para takimit në Uashington ku pritet përmbyllja e marrëveshjes Kosovë-Serbi, mund të jetë e ndikuar.
“Edhe nëse ka ngritë Gjykata Speciale aktazkuazë të tillë duhet ta dijmë se nuk ka pasë shancë teroike, as Hashim Thaci e as Kadri Veseli por edhe ansjë pjesëtar i Kosovës që mund të bëjë një vrasje kaq të madhe. Këto janë të ndikuara, pa marrë parasysh kush e ka ngritë këtë aktzakuzë apo kush është dëshmitari i saj”.
“Ne kemi pritë aktakzuë më herët por për këtë nuk e kemi ditë. Po befasohem prej Hashim Thaçit sepse ai nuk është ftu ende në Gjykatë, deirsa Kadri Veseli ka qenë”.
“Mund të jetë edhe e ndikuar sepse është në kohën e bisedimeve. Këta nuk do të kenë frikë dhe nuk do kthehen prapa edhe nëse ngritet aktakuza për ta”.
Ai thotë se Thaçi e çdo pjesëtar që ka luftuar për Kosovën e që kanë shkuar në Gjykatë, janë kthyer faqebardhë.
“Çdo pjesëtar i UCK-së, Hashim Thaci, Kadri Veseli apo edhe tjetër kush, do kthehen faqebardhë sic është kthy Ramush Haradinaj, Fatmir Limaj e të tjerët që kanë dalë para Gjykatës. Kjo është vetëm humbje kohe dhe humbje e karrierës nga ndërkombëtarët për Thacin e Veselin. Kështu që janë gabu rëndë, që mendojnë se Hashim Thacin do ta frikësojnë me aktakuzë para bisedimeve”.
