Nisma për Kosovën në Drenas ka mbajtur mbledhjen e kryesisë së degës dhe si pikë e veçantë e rendit të ditës ishte; Zhvillimet politike në Komunën e Drenasit ku u diskutuan disa çështje. Më poshtë gjeni komunikatën e plotë të kësaj partie.
Komunikatë për medie e NISMA-s, dega Drenas
Të nderuar qytetar të Drenasit, të nderuar simpatizant dhe përkrahës, të nderuar përfaqësues të mediave, dje me datë 21.12.2017 NISMA për Kosovën – Dega në Drenas, ka mbajtur mbledhjen e kryesisë së degës dhe si pikë e veçantë e rendit të ditës ishte; Zhvillimet politike në Komunën e Drenasit ku u diskutuan disa çështje si në vijim:
– Vizitat e shumta jashtë vendit të Kryetarit të Komunës së Drenasit z. Ramiz Lladrovci, të cilat sa vijnë e shpeshtohen dhe pa pasur ndonjë agjendë publike ne lidhje me qëllimin e këtyre vizitave jashtë vendit. Edhe pse deri me tani janë realizuar disa vizita të Kryetarit Lladrovci jashtë vendit por ende qytetaret e Drenasit nuk kanë parë ndonjë rezultat konkret p.sh: tërheqja e ndonjë investitori apo projekti i cili është interes të qytetareve të Drenasit. Qytetaret e Drenasit por edhe opinioni i gjerë publik me të drejt ngritin hipoteza dhe shqetësime se mos z. Lladrovci është duke e shfrytëzuar mundësin për udhëtime jashtë vendit si vizitë turistike fal miqve dhe të afërmeve të tij të cilët janë konsuj dhe zyrtar tjerë në ambasadat e Republikës së Kosovës në shtetet perëndimore dhe aq më shumë ngritën dyshimet kur mungon transparenca dhe llogaridhënia e shpenzimit të parasë publike për të sqaruar para qytetareve se me paratë e kujt po realizohen këto vizita jashtë shteti.
– NISMA për Kosovën-Dega në Drenas e ka përcjellë me kujdes të shtuar gjendjen e krijuar në Klubin e Futbollit “FERRONIKELI” ku e cilëson kryekëput përzierje të politikes në sport gjë që është e ndaluar si me ligje vendore ashtu dhe ndërkombëtare. Thirrjet publike të Kryetarit Lladrovci për dorëheqje nga detyra të kryesisë dhe kryetarit të KF “Ferronikeli”janë të papranueshme dhe NISMA për Kosovën – Dega në Drenas e cilëson presion publik ndaj udhëheqësve të KF “Ferronikeli” gjë që është e ndaluar nga FIFA dhe me këtë qasje po behën dëme të pariparueshme në sportin Kosovar, prandaj kërkojmë që rasti i KF”Ferronikelit” të trajtohet urgjentisht nga Federata e Futbollit të Kosovës si dhe Departamenti i Sportit në MKRS duke marr masa në kthimin e gjendjes normale në KF “Ferronikeli”. Klubi i Futbollit “Ferronikeli” i cili është edhe krenaria e qytetit tonë duhet të ketë hapësirën e pavarur të veprimit ashtu siç specifikohet sipas ligjeve në fuqi.
Nuk ka vonuar dhe ka ardhur edhe reagimi i Komunës së Drenasit.
Ky është reagimi i komunës së Drenasit, të cilin e sjell të plotë Drenicapress:
