Kreu i AAK-së, Ramush Haradinaj, ka ndarë momente nga kremtimi i festës së Pashkëve, duke theksuar traditën e bashkëjetesës dhe respektit ndërfetar te shqiptarët.
Ai bëri të ditur se ditën e festës e kaloi në Novosellë, në familjen e mikut të tij Pal Lekaj, si dhe në familjen Marku në Videjë të Klinës.
Sipas Haradinajt, aty ndau gëzimin e Pashkëve me kryefamiljarin Nikollë Marku, djalin e tij Lorenc dhe anëtarët e tjerë të familjes.Haradinaj theksoi se shqiptarët tradicionalisht kanë kremtuar bashkë festat fetare të njëri-tjetrit, duke e cilësuar këtë si një vlerë të rëndësishme të shoqërisë.
“Festofshim gjithmonë të bashkuar,” u shpreh ai në mesazhin e tij.
- Advertisement -
