Kryetari i komunës së Drenasit, Ramiz Lladrovci, po marr pjesë në protestën që po mbahet sot në Prishtinë kundër padrejtësive që po u bëhen ish-krerëve të UÇK-së në Dhomat e Specializuara në Hagë.
Lladrovci ka dalë në mesin e qytetarëve, veteranëve dhe përkrahësve të tjerë të UÇK-së, për të shprehur mbështetjen ndaj ish-presidentit Hashim Thaçi, Kadri Veselit, Jakup Krasniqit dhe Rexhep Selimit, të cilët po përballen me akuza për krime lufte, raporton lajmi.net
Në deklarimet e tij publike, Lladrovci ka qenë vazhdimisht kritik ndaj mënyrës së funksionimit të Gjykatës Speciale, duke e quajtur atë të padrejtë dhe të njëanshme në raport me luftën e UÇK-së./Lajmi.net/
