Qeveria e Kosovës i ndan 15 mijë euro për familjen e Arian Dacit

Qeveria ka marrë vendim të ndajë një shumë prej 15 mijë eurosh për familjen e zëvendësministrit Arian Daci, i cili vdiq të shtunën.

Vendimin për ndarjen e mjeteve për Arian Dacin u mor pas propozimit të kryeministrit Ramush Haradinaj dhe u aprovua nga ministrat.

Arian Daci, djali i ish-kryeparlamentarit Nexhat Daci ndërroi jetë të shtunën në Brezovicë. Ai derisa po skijonte jashtë pistës së skijimit u zu nga orteku i borës.

Zëvendësministri i Diasporës u varros mesditën e së dielës me ceremoni shtetërore.