“Qeveri e vadës së Lupçit” – Rama akuzon pushtetin për bllokimin e “Ishullit Urban”: Punimet u ndalën para se të nxirrej akti ligjor

Kryetari i Prishtinës, Përparim Rama, ka akuzuar Qeverinë e Kosovës për bllokimin e projekteve kapitale në kryeqytet, duke veçuar projektin e “Ishullit Urban”, i cili synon të lidhë lagjen “Arbëria” me qendrën e Prishtinës.

Rama ka thënë se rreth 30 mijë banorë të kësaj lagjeje detyrohen aktualisht të kalojnë përmes shinave të trenit për të arritur në qendër, ndërsa sipas tij, projekti për zgjidhjen e këtij problemi është bllokuar nga Qeveria, transmeton lajmi.net.

“Procedurat i kemi kry. Punimet kanë fillu. Erdhën edhe i qitën shiritat. Arsyetimi? ‘Po e mbrojmë trashëgiminë kulturore.’ Cilën trashëgimi kulturore?!”, ka shkruar Rama.

Ai ka pretenduar se punimet janë ndaluar në mënyrë të jashtëligjshme, duke theksuar se ato janë ndërprerë në maj, ndërsa akti ligjor për ndalimin e projektit është nxjerrë në qershor.

“Pra, fillimisht e ndalën projektin, pastaj e krijuan arsyetimin për ndaljen e tij”, ka deklaruar Rama.

Në fund, kryetari i Prishtinës u ka bërë thirrje përfaqësuesve të Qeverisë që, sipas tij, të japin një arsye që justifikon bllokimin e projektit.

“Le të dalë veç NJËRI prej tyre para 30 mijë banorëve të Arbërisë dhe le ta thotë një arsye të vetme që e justifikon këtë bllokadë! Një të vetme”, ka shkruar ai.

Postimi i plotë:

“Ishulli Urban” e lidh Arbërinë me qendrën e Prishtinës.