Musliu-Shoshi: 16 shtatori duhet ta gjejë Kosovën me institucione, përndryshe LVV mban përgjegjësi politike
Deputetja e PDK-së, Ariana Musliu-Shoshi ka deklaruar se data 16 shtator duhet ta gjejë Kosovën me institucione të konstituuara, pasi sipas saj, atë ditë do të merret një vendim i rëndësishëm për të kaluarën, të tashmen dhe të ardhmen e vendit.
Sipas Musliu-Shoshit, nëse LVV-ja e ka prioritet që 16 shtatori ta gjejë Kosovën pa institucione të konstituuara, atëherë, sipas saj, kjo parti duhet të mbajë një përgjegjësi shumë të rëndë politike dhe historike.
“Data 16 shtator Kosovën ta gjejë me institucione të konstituuara. E pikërisht është me rëndësi që ne të kemi një Kuvend të konstituar dhe funksional me datën 16 shtator që do të merret vendimi për të kaluarën, tashmen dhe të ardhmen e shtetit tonë. Pra ky është qëndrimi jonë primar, unë i shoh dy variante të ndryshme nëse LVV prioritet e ka që data 16 të mos e gjejë Kosovën me institucione të konstituara e pikërisht me Kuvend që për ne është e rëndëisshme, atëherë kjo është një përgjegjësi që VV-ja duhet ta mbajë një përgjegjësi shumë të rëndë politike dhe historike, nuk dua të besoj që një parti e cila udhëheq vendin nuk don që data 16 kur është vendimi e ka pqr qëllim që shteti tonë ta gjejë pa institucione dhe e dyta është fakti tjetër nëse e ka në mendje Kurti të na dërgon përsëri në zgjedhje që zgjedhjet të jenë në datën e tij të preferuara që është në fund të dhjetorit”, ka deklaruar ajo në emisionin “Ditari” në Tëvë1.
Ndërkaq, sa i përket takimit mes liderëve politikë, të cilët i ka ftuar kryeministri në detyrë dhe njëherësh kryetari i LVV-së, Albin Kurti, për çështjen e nënkryetarëve të Kuvendit, Musliu-Shoshi ka thënë se PDK-ja nuk do të marrë pjesë në këtë takim.
Ajo ka shtuar se takimet për nënkryetarët e Kuvendit janë shantazh politik.
Lexo edheShala: Përgjimet e Thaçit tregojnë se nuk ka kurrfarë pengimi të drejtësisë
“Na ka njoftuar Hamza që ka marrë një kërkesë me whatsapp nga Kurti ku ka kërkuar që nëse duan që të votohet nënkryetari i PDK-së duhet që të kemi marrëveshje dhe që të votohet presidenti, PDK nuk merr pjesë në këtë takim, ne kemi përfunduar sa i përket temës së presidentit, nuk kemi qenë me marrëveshje me VV-në, nuk i kemi kërkuar asnjëherë hise në pushtet, sepse nuk kemi pasur interes që të kemi hise në pushtet mirëpo kemi kërkuar marrëveshje politike për zgjedhjen e presidentit. S’do të takohemi për një marrëveshje për nënkryetarët e Kuvendit sepse është shantazh politik, nuk është kusht dhe nuk është çështje që sjell rrjedhimisht edhe zgjidhje të këtij problemi”, shtoi ajo.
E pyetur nëse nesër do të ketë konstituim të Kuvendit, deputetja e PDK-së theksoi se të premten duhet të jetë dita kur Kuvendi të konstituohet dhe të jetë funksional.
“Dua të besoj që nesër do të jetë dita kur Kuvendi të konstituohet, ne do jemi aty për një qëndrim të qartë se ne kemi votë për nënkryetar të Kuvendit ashtu siq janë dakorduar shefat e grupeve parlamentare, ashtu siq do të dakordohen nesër dhe po shpresoj që të formohet Kuvendi dhe të jetë funksional… VV-ja s’ka qenë korrekt në asnjë takim e asnjë process…. Është nder për Kosovën që të kemi president Hashim Thaçin. Ne me datën 12 e kemi marshin ku solidarizohemi të gjithë pavarësisht përkatësisë politike, i bëjë ftesë çdo shqiptari që të jetë në marsh sepse ky është një solidarizim që në të gjithë e bëjmë me dëshirën që e kemi që vendimi të jetë lirues për ish-krerët e UÇK-së”, përfundoi Musliu-Shoshi. /Teve1.info/
Në fund të deklaratës së saj, Musliu-Shoshi ka folur edhe për ish-presidentin Hashim Thaçi dhe ish-krerët e tjerë të UÇK-së që po përballen me proces gjyqësor në Hagë. Ajo ka bërë thirrje për pjesëmarrje në marshin e 12 shtatorit, duke e cilësuar atë si një akt solidarizimi, ndërsa ka shprehur dëshirën që vendimi i Dhomave të Specializuara të jetë lirues për ish-krerët e UÇK-së.
