Protesta hyn në ditën e 90-të, qytetarët mblidhen sërish para Kryeministrisë

Protesta e 90-të kundër qeverisë dhe kryeministrit Edi Rama është zhvilluar këtë të premte në Tiranë, me pjesëmarrjen e aktivistëve dhe qytetarëve.

Protestuesit u mblodhën fillimisht në sheshin “Skënderbej”, prej nga nisën marshimin drejt Bulevardit “Dëshmorët e Kombit”.

Marshimi përfundoi para godinës së Kryeministrisë, ku protestuesit vijuan me thirrjet për dorëheqjen e kryeministrit Edi Rama.

Ndër kërkesat e protestuesve janë edhe rrëzimi i klasës politike dhe krijimi i një qeverie teknike.