Tash e disa vite vera vjen me të njëjtën histori: atë të grave muslimane që duan të kënaqen në pishinë me veshjen e tyre të quajtur “burkini”, pavarësisht ndalesave absurde nga autoritetet.
Një grup i grave myslimane në Francë thonë se e kanë ëndërr për t’u argëtuar në pishinat publike si të gjithë qytetarët e tjerë.
Kjo është arsyeja pse ato sfiduan ligjin që ndalon burkinin në pishinë. Në qytetin Grenoble të Francës, e diela ishte bërë e zëshme nga shumë gra me burkini e me bikini, që të gjitha në kërkim të të drejtave për gratë muslimane.
“Ne kemi një ëndërr, të argëtohemi në pishinat publike si të gjithë qytetarët e tjerë, të hyjmë në ujë bashkë me fëmijët tanë sa herë që duan të notojnë”, thotë njëra nga protestueset.
Në një protestë të quajtur “Operacioni Burkini”, dhjetëra gra notonin në pishinën publike Jean Bron në Grenoble.
Megjithëse rojet e pishinës i paralajmëruan gratë myslimane se rrobat e tyre të ujit thyen kodin e veshjes së pishinës, anëtarët e tjerë të bashkësisë brohorisnin dhe duartrokisnin gratë kur ato gjithsesi hynë në pishinë.
Megjithatë pa gjobë nuk shpëtuan. Ato thonë me shaka se sa herë që duan të notojnë në pishinë publike, përveç pagesës prej 20 euro për hyrje, ato bëjnë gati edhe 35 të tjera për të larë dënimin. /tesheshi.com/
