Ndërsa presidentja meksikane, Claudia Sheinbaum, po fliste me disa qytetarë, një burrë që dukej se ishte i dehur iu afrua pas saj dhe e preku.
Rasti ndodhi të martën, në qendër të Meksikos, transmeton IndeksOnline.
Menjëherë ndërhyri një zyrtar qeveritar, që pa presidenten të shqetësuar jashtëzakonisht shumë.
I dyshuari dukej se u përkul për një puthje, teksa e preku me duar trupin e presidentes.
Të mërkurën, Sheinbaum tha se kjo nuk ishte hera e parë që ajo kishte vuajtur nga një ngacmim të tillë dhe se problemi shkonte përtej presidentes, shkruan The Washington Post.
“Asnjë burrë nuk ka të drejtë ta shkelë atë hapësirë”, tha ajo.
“Vendosa të ngre padi sepse kjo është diçka që e përjetova si grua, por që ne si gra e përjetojmë në vendin tonë. E kam përjetuar më parë, kur nuk isha presidente, kur isha studente” deklaroi ajo.
