Presidenti nuk preokupohet kush rri e kush del nga salla, përgjigjja e Bekim Çollakut për Ambasadorin britanik
Bekim Çollaku, Shefi i stafit të Presidentit Hashim Thaçi, ka reaguar ndaj largimit të Ambasadorit të Britanisë së Madhe Ruari O’Connell nga konferenca e sotme ku është diskutuar për Gjykatën Speciale. Në një prononcim për Gazetën Express, Çollaku ka bërë me dije se Presidenti Thaçi nuk është shqetësuar për largimin e Ambasadorit britanik nga konferenca.
Amabasada britanike në një përgjigje ka thënë se O’Connell është larguar urgjentisht nga konferenca, pa e thënë se kjo ka pasur të bëjë me qëndrimin e Thaçit, por i ka kundërshtuar deklaratat e Thaçit që i ka bërë sot.
“Kosovës nuk i janë bërë premtime lidhur me Gjykatën Speciale dhe nuk është e drejtë të pretendohet e kundërta. Anëtarësimi në organizata ndërkombëtare bazohet në kriteret specifike të anëtarësimit të organizatave individuale” thekson Ambasada britanike
“Gjykata Speciale ishte përgjigjja e Kosovës ndaj supozimeve të Raportit të Martyt. Ishte një hap i rëndësishëm për të treguar gatishmërinë e Kosovës për të zbuluar të vërtetën për atë që ndodhi gjatë konfliktit”, thuhet më tej.
Lexo edheAmbasada britanike tregon se pse Ambasadori doli nga salla kur Thaçi po fliste për Gjykatën Speciale
