Presidenti i Republikës së Kosovës Hashim Thaçi ka qëndruar sot në familjen e të ndjerit Feriz Zeqirit me ç’rast ka ngushëlluar familjarët dhe të pranishmit në ngushëllime.
Thaçi ka shprehur respektin institucional dhe personal për të ndjerin Feriz Zeqiri, duke çmuar lartë veprimtarinë e tij në shërbim të qytetarëve dhe institucioneve të Skenderajt. Ai pa ashtu ka theksuar se vdekja e parakohshme e Feriz Zeqirit është humbje e madhe jo vetëm për familjen, por edhe për institucionet.
Presidenti Thaçi në ngushëllim në familjen Zeqiri është shoqëruar nga Nënkryetari i Komunës së Skenderajt Fadil Nura.
Feriz Zeqiri ka vdekur papritur në moshën 45 vjeçare. Ai është varrosur dje me nderime institucionale.
I ndjeri ka punuar në institucionet lokale si zyrtar i lartë i arsimit dhe Drejtor i Kulturës. Ai ishte edhe veprimtar i dalluar politik në Skenderaj.
