Ministri i Zhvillimit Ekonomik, Valdrin Lluka, ka njoftuar se operatorët e telefonisë mobile në Kosovë, tashmë kanë filluar me implementimin e marrëveshjes për heqjen e tarifave të “roaming”-ut.
Lluka, përmes një shkrimi të bërë në llogarinë e tij në Facebook, ka njoftuar se duke filluar nga sot, nga Shqipëria mund të bëhen thirrje në Kosovë me 15 – 16 cent për minutë, dhe pa pa pasur nevojë të aktivizoni ndonjë pako paraprakisht.
Ai ka kujtuar se thirrjet para datës 15 qershor kanë kushtuar jo më pak se 2.5 euro për minutë.
Vitin e kaluar Kuvendi i Kosovës kishte miratuar rezolutën për heqjen e tarifave të roaming-ut në mes Kosovës dhe Shqipërisë.
- Advertisement -
