Një burrë i moshës 31 vjeçare ka humbur jetën në mbrëmjen e së shtunës në fshatin Bajqinë të Podujevës.
Aksidenti ka ndodhur deri sa i ndjeri ishte duke punuar me një makinë të bluarjes së misrit – makinë silazhi, njofton Klan Kosova.
Sipas përshkrimit të familjarëve në një moment atij i është bllokuar kjo makinë dhe në tentativë për ta kthyer në funksion, ai ka futur dorën ku më pas ajo ka tërhequr trupin e tij duke i shkaktuar plagë vdekjeprurëse.
Komandanti i Stacionit Policor në Podujevë, Bekim Bislimi, për një radio lokale ka konfirmuar rastin, ku ka thënë se viktima ka ndërruar jetë në rrugë e sipër për në qendrën më të afërt të mjekësisë familjare.
