Dhjetë persona, përfshirë gjashtë fëmijë, janë vrarë në një sulm ajror izraelit, ndërsa prisnin të mbushnin ujë në Gazën qendrore të dielën, thonë zyrtarët e shërbimit të emergjencës.
Trupat e tyre u dërguan në Spitalin al-Aëda të Nuseirat, i cili trajtoi gjithashtu 16 persona të plagosur, përfshirë shtatë fëmijë, tha një mjek atje, shkruan BBC.
Dëshmitarët okularë thanë se një dron qëlloi një raketë drejt një turme që priste në radhë me bidona bosh pranë një cisterne uji në kampin e refugjatëve al-Nuseirat.
Ushtria izraelite tha se kishte pasur një “gabim teknik” me një sulm që synonte një “terrorist” të Xhihadit Islamik që bëri që municionet të binin dhjetëra metra larg objektivit. Incidenti është duke u shqyrtuar, shtoi ushtria.
