Plasi sherri mes çiftit Bieber? Ky veprim zbulon gjithçka
Fotot e Hailey dhe Justin Bieber të shkrepura gjatë një bisede serioze në një dasmë nxitën spekulime rreth problemeve martesore, por informacionet dhe postimet e reja nga vetë çifti zbulojnë një histori tjetër.
Ndërsa media e interpretoi bisedën e tyre si një argument, duket se konteksti ishte krejtësisht i ndryshëm, shkruan aol.com, transmeton Indeksonline.
Çifti mori pjesë në dasmën e Finneas O’Connell dhe Claudia Sulewski në Montecito të Kalifornisë, fundjavën e kaluar. Në një moment, ata qëndruan larg të ftuarve të tjerë dhe patën një bisedë që paparacët e përshkruan si “emocionale dhe serioze”.
Pasi media bleu fotot, përshkrimi në titujt kryesorë u shndërrua në një “debat të tensionuar”, megjithëse nuk kishte asnjë burim të pavarur për të mbështetur pretendime të tilla. E gjithë historia u bazua vetëm në interpretimin e fotove.
Llogaria e Deuxmoi në Instagram më vonë i ripostoi fotot kontroverse dhe sqaroi se nuk kishte pasur konflikt. Sipas burimeve të tyre, çifti nuk u grind në dasmë, gjë që vë në dyshim raportimet e medias. Fakti që ata patën një bisedë serioze nuk nënkupton domosdoshmërisht një konflikt, veçanërisht pasi askush nuk i dëgjoi se për çfarë po flisnin.
Lexo edheKylie Jenner: Kur bleva shtëpinë në Beverly Hills, kuptova se kisha humbur kontrollin e jetës
Një ditë pas dasmës, e cila u drejtua nga motra e Finneas, Billie Eilish, Justin Bieber ndau një seri fotosh me gruan e tij në Instagram. Selfiet, të bëra gjatë ceremonisë në natyrë, i tregojnë ata të ulur krah për krah me majat e maleve në sfond./Indeksonline/
