Një person ka ndërruar jetë si pasojë e lëndimeve të marra në një aksident trafiku që kishte ndodhur në fshatin Loxhë të Pejës.
Sipas Policisë së Kosovës, aksidenti kishte ndodhur më 18 gusht 2026, rreth orës 07:29, dhe ishte përfshirë në një përplasje mes dy automjeteve, të cilat drejtoheshin nga persona meshkuj.
Si pasojë e aksidentit, personat e përfshirë kishin pësuar lëndime trupore. Njëri nga të lënduarit ishte dërguar jashtë Republikës së Kosovës për trajtim mjekësor.
Megjithatë, për shkak të lëndimeve të rënda, ai ka ndërruar jetë më 4 shtator 2026.
Me vendim të prokurorit, trupi i pajetë, pas pranimit nga autoritetet e shtetit tjetër, do të dërgohet në Institutin e Mjekësisë Ligjore (IML) për obduksion.
