Të dielën, rreth orës 19:12 në fshatin Pasjak të Novobërdë ka ndodhur një plagosje me armë zjarri.
Rastin për Indeksonline e ka konfirmuar zëdhëndës polici për rajonin e Gjilanit, Ismet Hashani, ku bëri të ditur se nga hetimet e para mësohet se është plagosur zyrtari policor E. Sh., ku gjersa ishte në poligonin e gjuajtjes bashkë me një person i është shkrepur arma aksidentalisht.
Hashani, njoftoi se i plagosuri është transportuar për QKUK- Prishtinë.
“Ju njoftojmë se sot me datën 26.01.2025 rreth ores 19:12 në fsh. Pasjak – Novobërdë ne poligonin e gjuajtjes ,,Target’’ , ka ndodhur një plagosje me armë zjarri . Në vendin e ngjarjes kanë dalë me urgjencë njësitet relevante. Nga hetimet e para mësohet se është plagosur zyrtari policor E. Sh. (2003) dhe I njejti është transportuaar për QKUK- Prishtinë.
Dyshohet se deri te ky rast i rëndë të ketë ardhë kur një person që po ashtu ishte në poligonin e gjuajtëjes bashkë me viktimën i shkrep arma aksidentalisht. I dyshimti i mitur është arrestuar me vendim të prokurorit të shtetit dhe është intervistuar në bazë të procedurave ligjore.
Njësiti i hetimeve rajonale bashkë me prokurorin e shtetit po i udhëheqë hetimet në mënyrë që të zbardhen të gjitha rrethanat e këtij rasti të rëndë”, ka thënë Hashani./Indeksonline/
