Më në fund, Stefano Pioli ka marrë fitoren e parë në stolin e Milanit.
Shtatë herë kampionët e Evropës kanë triumfuar në “San Siro” kundër SPAL, sfidë që përfundoi 1-0, për t’i rrëmbyer pikët e plota në xhiron e 10 në Serie A.
Golin e vetëm e shënoi Suso, i cili u inkuadrua në lojë në minutën e 57-të në vend të Samu Castillejo.
Ai realizoi një gol të bukur në minutën e 61-të, pas katër minutave në fushë, për t’ia siguruar fitoren Milanit që ka shkuar në kuotën e 13 pikëve në pozitën e 10 në renditjen e Serie A. /Gazeta Express/
