Kryetari i Komunës së Skenderajt, Bekim Jashari, nënkryetari Nuredin Lushtaku dhe drejtorët e Ekzekutivit komunal, kanë bërë sot homazhe te lapidari në nderim të 16 martirëve të Lagjes III të qytetit të Skenderajt, në 20-vjetorin e vrasjes së tyre nga policia dhe ushtria serbe, gjatë luftës së Kosovës.
Kryetari Jashari i ka inkurajuar familjarët e martirëve, të jenë të fortë dhe krenarë, në të njëjtën kohë, me sakrificën e tyre që solli lirinë dhe pavarësinë e Kosovës.
Postimi i Bekim Jasharit:
Me nderime të larta kemi bërë homazhe te lapidari për 16 martirët e Lagjes III të qytetit tonë, të cilët janë vrarë nga forcat paraushtarake e policore serbe, në luftën e Kosovës, 20 vite më parë.
Skenderaj dhe Kosova do t’i kujtojnë gjithmonë dëshmorët dhe martirët e kombit, të cilët sakrifikuan më të shtrenjtën e tyre – jetën, që ne të jetojnë të lirë e të pavarur.
Lavdi e përjetshme heronjve dhe martirëve të luftës çlirimtare të Kosovës!
- Advertisement -
