Komuna e Drenasit po vazhdon të realizoj projektet e planifikuara dhe që janë në shërbim të mirë të qytetarëve të saj, duke treguar kështu, përkushtimin dhe seriozitetin në përmbushjen e të gjitha projekteve të premtuara.
Në kuadër të mbi 80 projekteve të planifikuara, edhe sot ka përfunduar asfaltimi i disa rrugëve në fshatrat Llapushnik, Poterk e Vukovc, përkatësisht, lagjja Çupi, Thaqi, Sopi e Gashi.
Vlera e investimit në këto rrugë kap shifrën prej 130,000 €, ndërsa, gjatësia e rrugëve të shtruara me asfalt është mbi 2.3 kilometra.
Ndryshe, Drejtorati për Infrastrukturë Lokale ka arritur që të përfundoj me sukses projektet e investimeve kapitale për këtë vit, ku tanimë është në fazën përfundimtare të realizimit të tyre.
Kështu kanë përfunduar asfaltimet e rrugëve në lagjet e fshatrave; Korroticë e Epërme, Zabel i Ulët, Poklek i Ri dhe i vjetër, Sankoc, Fushticë e Ulët dhe e Epërme, ku gjatësia e këtyre rrugëve ne lagjet e fshatrave të lartpërmendura është mbi 2 kilometra.
Në disa lagje të këtyre fshatrave është bërë edhe rregullimi i rrugëve me zhavor.
