Pensionohet futbollisti kosovar dhe menjëherë merr detyrë të re në skuadër

KF Rilindja 1974 ka njoftuar se futbollisti Blendi Morina i ka dhënë fund karrierës si futbollist profesionist.

Megjithatë, Morina nuk do të largohet nga klubi, pasi do të vazhdojë të jetë pjesë e tij në një rol të ri, atë të trajnerit të përgatitjes fizike, shkruan Indeksonline.

Lajmi është bërë i ditur nga vetë klubi përmes një njoftimi, ku ka falënderuar Morinën për përkushtimin, sakrificën dhe kontributin e dhënë ndër vite.