Gjatë ditës së sotme, në moshën 33-vjeçare, ka vdekur gazetarja e RTK-së, Ardita Sylejmani. Lajmi për këtë u bë e ditur edhe në edicionin e lajmeve të orës 15:00 në RTK, derisa, u bë e ditur se në shenjë respekti për të sot nuk do të transmetojnë emisionin ‘Imazh’.
Kjo u bë e ditur në faqen zyrtare të emisioni Imazh të RTK-së në rrjetin social Facebook.
“Për shkak të ndarjes nga jeta të koleges sonë Ardita Sylejmani Bllaca, në shenjë respekti për të, sot nuk do të realizojmë emisionin IMAZH. Ngushëllime të sinqerta familjeve Sylejmani e Bllaca dhe kolegëve!”, shkruhet në njoftim.
Gazetarja Sylejmani ka vdekur në kryeqytetin hungarez, Budapest, dhe se u bë e ditur vdekja ka ndodhur gjatë procesit të lindjes.
Për vdekjen e Arditës ka reaguar edhe komuniteti i gazetarëve të Kosovës, të cilët janë shprehur të tronditur për ndarjen e parakohshme nga jeta të koleges së tyre.
Moderatorja e RTK’së shpërthen në lot, derisa jep lajmin për vdekjen e koleges
- Advertisement -
