Një park në Francë ka vendosur 6 zogj ‘inteligjentë’ për të mbledhur mbeturinat e për të pastruar vendin.
Sorrat në parkun e Puy du Fou në perëndim të vendit janë mësuar se si të mbledhin mbetjet e cigareve dhe të tjera të mbeturinave.
Më pas zogjtë i depozitojnë mbeturinat në një kuti të vogël dhe si shpërblim për punën e tyre të vështirë marrin ushqim për shpendë.
Një pjesë e sorrave tashmë e kanë nisur punën, ndërsa pjesa tjetër do tu bashkohet të hënën.
Nicolas de Villiers, kujdestari i parkut, tha për agjensisë e lajmeve AFP se qëllimi nuk ishte vetëm për të mbajtur zonën e pastër.
“Qëllimi nuk është vetëm për të mbajtur zonën e pastër sepse viziorët janë përgjithësisht të kujdeshëm për këtë pjesë. Por donim të tregonim se vetë natyra mund të na mësojë të kujdesemi për mjedisin,”-u shpreh ai.
Ai shtoi se sorrat janë janë veçanërisht inteligjente dhe pëlqejnë të komunikojnë me njerëzit dhe të krijojnë marrëdhënie me ta nëpërmjet lojës.
