Sonte në Prishtinë, në rrugën “Luan Haradinaj”, ka ndodhur një vetaksident, ku të lënduara mbetën tri vajza.
Vajzat në fjalë kishin publikuar fotografi në rrjetin social “Instagram” pak minuta para aksidentit.
Vajzat pas aksidentit u dërguan për tretman mjekësor në QKUK dhe janë jashtë rrezikut për jetë.
Lajmin për “Gazeta Blic” e ka konfirmuar edhe zëdhënësi i Policisë së Kosovës, Bajram Krasniqi.
“Në ora 19:15, policia është njoftuar për një aksident trafiku në rrugën ‘Luan Haradinaj’ në Prishtinë. E përfshirë është vetëm një veturë, tre persona janë dërguar për tretman mjekësor. Njësitet policore po merren me aksidentin”, ka thënë Krasniqi për Gazeta Blic.
