Avokati i Organizatës së Veteranëve të Luftës së Ushtrisë Çlirimtare të Kosovës, thotë se ai dhe sekretari i kësaj organizate, Faton Klinaku kanë pranuar një thirrje të koduar, përmes të cilës janë ftuar te selia e EULEX-it në Fushë Kosovë për të marrë disa dokumentacion.
“Unë i kam propozuar që nëse kanë dokumentacione duhet t’i dërgojnë në selinë e OVL të UÇK-së. I dhashë edhe propozimin që të vijnë në zyrën time të avokatisë. Më vonë më ka ardhur një email nga të njëjtit…Në email shkruan që është një urdhër. Urdhri është që ne të mos i publikojmë dokumentacione nëse na vijnë në të ardhmen”, ka deklaruar ai në Rtv Dukagjini.
Avokati thotë se ky urdhër mban datën 25 shtator e që sipas tij kjo mund të jetë e mirë për Gucatin dhe Haradinajn pasi ai ka ardhur te veteranët me vonesë.
Sipas tij, nëse Gjykata Kushtetuese kishte vendosur se Gjykata Speciale, edhe intervistimi i Agim Çekut e krerëve të OVL-UÇK-së do të ishte i paligjshëm.
Avokati thotë se Gjykata Speciale do t’i bëjë dëm të madh kombit shqiptar.
“Ne duhet ta imitojmë Izraelin siç i ka gjykuar nazistët. Ne nuk kemi fuqi t’i marrim kriminelët serb nga Beogradi, por duhet t’i dokumentojmë krimet e tyre”, tha mes tjerash ai./Gazeta Sinjali/
