Kryetari i Suharekës, Bali Muharremaj, shpesh bën veprime që merr lëvdata nga qytetarë të shumtë suharekas. Herë me çizme, e herë me metër, Muharremaj ka dalë në teren për të inspektuar punime, transmeton Gazeta Metro.
Fillimisht në muajt e parë të këtij viti, Muharremaj u pa me çizme në teren, kur kishte reshje të shumta të borës. Por jo vetëm në borë, ai ka përdorur çizmet edhe gjatë vërshimeve të mëdha në Suharekë.
Ditë më parë kryetari suharekas doli për të inspektuar punimet e kryera në një rrugë të një fshati dhe me vete kishte marrë edhe metrën, për ta matur trashësinë e asfaltit.
E së fundi, Muharremaj, dje ka njoftuar se kanë rifilluar punimet në ndërtimin e Shtëpisë së Kulturës ‘Ukë Bytyq’ dhe aty ai është fotografuar me dalta në dorë duke punuar.
Sidoqoftë, Muharremaj njihet për punën e tij aktive. /gazetametro.net
- Advertisement -
